Իրանի դեսպանը Ադրբեջանի իշխող կուսակցության պատգամավորին կոչ է անում հարգել իր երկրի անկախությունը

«Պատգամավորներն իրենց խոսքում պետք է հարգալից լինեն և հարգեն միմյանց երկրների անկախությունը»:
Այդ մասին իրանական «արաննյուզ.իռ» կայքի հաղորդմամբ՝ հայտարարել է Ադրբեջանում Իրանի դեսպան Մոհսեն Փաք Այինը:

Դեսպան Փաք Այինը, անդրադառնալով Ադրբեջանի Մեջլիսի իշխող կուսակցությունը ներկայացնող պատգամավոր Սիավուշ Նովռուզովի և ԻԻՀ Մեջլիսի ազգային անվտանգության և արտաքին քաղաքականության հարցերով հանձնաժողովի փոխնախագահ Մանսուր Հաղիղաթփուրի նամակագրությանը, մասնավորապես նշել է. «Թեև վերոնշյալ պատգամավորների հայտնած տեսակետները չեն համարվում որպես երկրների պաշտոնական դիրքորոշումներ, այնուամենայնիվ, խորհրդարանականներն իրենց նամակագրության մեջ պետք է լինեն հարգալից, հարգեն այլ երկրների անկախությունը, տարածքային ամբողջականությունն ու պաշտոնական սահմանները»:

Հիշեցնենք, որ օրերս Ադրբեջանի իշխող կուսակցությունը ներկայացնող պատգամավոր Սիավուշ Նովրուզովն իրանցի իր գործընկերոջը գրած նամակում համոզմունք էր հայտնել, որ մի օր ինքը դառնալու է «Հարավային Ադրբեջանի» խորհրդարանի նախագահ: Ի պատասխան Նովռուզովի նամակին, ԻԻՀ Մեջլիսի ազգային անվտանգության և արտաքին քաղաքականության հարցերով հանձնաժողովի փոխնախագահ Մանսուր Հաղիղաթփուրն ադրբեջանցի պատգամավորի հոգեկան վիճակի վերաբերյալ կասկած էր հայտնել:

Նախորդող հրապարակումներ՝
Ադրբեջանի իշխող կուսակցության պատգամավորը նպատակ ունի դառնալ Իրանի Ատրպատականի խորհրդարանի նախագահ

Ադրբեջանի Մեջլիսի պատգամավոր Սիավուշ Նովռուզովի հոգեկան վիճակը կասկած է հարուցել իրանցի իր գործընկերոջ մոտ

ԻԻՀ Մեջլիսի պատգամավոր. Ադրբեջանը ժամանակին Իրանի մաս է կազմել

Իրանցի պատգամավոր. Պատմության մեջ «Ադրբեջան» անունով պետություն չի եղել, այն կեղծիքի միջոցով է ստեղծվել

«Ազարբայջանն Իրանի անքակտելի մասն է». Թավրիզի ֆուտբոլային թիմի երկրպագուների կարգախոսներից

Իրանական կայք. Թավրիզը պատկանել, պատկանում և պատկանելու է Իրանին

ԻՀՊԿ նախկին հրամանատարն արցախյան պատերազմում Ադրբեջանին ցուցաբերած օգնության մասին նոր բացահայտումներ է արել