Րաֆֆի Հովհաննիսյան. Նամակագրությունը փակուղում չէ

Րաֆֆի Հովհաննիսյանի և Սերժ Սարգսյանին միջև նամակագրությունը փակուղում չէ: Այս մասին Գորիսում լրագրողների հետ զրույցում հայտարարեց «Ժառանգություն» կուսակցության առաջնորդ Րաֆֆի Հովհաննիսյանը: Նրա խոսքով, ինքը միշտ էլ թե գրավոր, թե բանավոր առաջարկներ է ներկայացրել, սակայն ադեկվատ պատասխան չի եղել:

«Փակուղին իրենք են ստեղծել փետրվարի 18-ին: Անընդհատ եկեղեցում և իշխանական շրջանակներում խոսում են բռնազավթման, սեփական ճշմարտությունը պարտադրելու մասին, Հուդայի 30 արծաթի մասին, ամոթ է, որ եկեղեցիներից մինչև իշխանական ամբիոներ չեն կարող դեմ հանդիման գալ պարզ ճշմարտության»,-գորիսեցիներից մեկի տան բակում հայտարարեց Հովհաննիսյանը:

Հովհաննիսյանը հայտարարեց, որ այսօր իր պայքարը մտնում է կարևոր փուլ` իրավունքի փուլ: Նրա գնահատմամբ, այսօր ժողովրդի միջև եռացող քաղաքացիական, ազգային կամք կա: «Ութ օր ունենք, որ իշխանությունը որոշի, ուզում է գնալ ազգային միասնության ճանապարհով, թե ոչ»,-ասաց Հովհաննիսյանը:

Նախորդող հրապարակումներ`
Արմեն Արզումանյանը պատասխանել է Րաֆֆի Հովհաննիսյանի` ՀՀ նախագահին ուղղված նամակին

Հինգ մարզպետ, նախարարներ. Հովհաննիսյանը թվարկեց իր առաջարկները

Սերժ Սարգսյանը պատասխանել է Րաֆֆի Հովհաննիսյանի նամակին

Րաֆֆի Հովհաննիսյանը պատասխան նամակ է գրել Սերժ Սարգսյանին