Երկրպագուները կրկին քվեարկել են Հենրիխ Մխիթարյանի օգտին

Դոնեցկի «Շախտյորի» պաշտոնական կայքի ընթերցողները մի քանի օրվա ընթացքում որոշել են թիմի մարտ ամսվա լավագույն ֆուտբոլիստին: Հարցմանը մասնակցել է 1316 հոգի:

«Շախտյորի» ավագ Դարիո Սռնայի օգտին քվեարկել է 80 մարդ (6,08 տոկոս): Այդ ցուցանիշով խորվաթ ֆուտբոլիստը եզրափակել է լավագույն եռյակը: Բրազիլացի Ֆեռնանդինյոն 410 ձայնով (31,16 տոկոս) զբաղեցրել է երկրորդ հորիզոնականը: Լավագույն խաղացող է ճանաչվել Հայաստանի ազգային հավաքականի ֆուտբոլիստ Հենրիխ Մխիթարյանը` 478 ձայնով (36,32 տոկոս):