«Յուվենթուսն» անընդմեջ երկրորդ անգամ հռչակվեց Իտալիայի չեմպիոն

«Յուվենթուսը» երկրորդ անգամ անընդմեջ դարձավ Իտալիայի չեմպիոն: Այսօր «Պալերմոյի» նկատմամբ «A» սերիայի 35-րդ տուրի խաղում 1:0 հաշվով տոնած հաղթանակից հետո թուրինյան թիմն անհասանելի դարձավ հետապնդողների համար: Երկրորդ տեղում ընթացող «Նապոլին» նրանից հետ է մնում 14 միավորով, իսկ առաջնության մնացած հանդիպումներում առավելագույն արդյունք ապահովելու դեպքում կարող է վաստակել ընդամենը 12 միավոր: