Ամենից շատ կարդացված նյութեր

11:00 18/05/2013

xxxxxxxՔաղաքացիների 42.7%-ը կարծում է, որ դատախազությունում և քննչական մարմիններում անկախ չեն և պատվերներ են կատարում (աղյուսակ)

Դատախազության և քննչական մարմինների հետ շփում ունեցած մարդկանց 27,5 տոկոսը բոլորովին համաձայն չեն, որ այդ մարմինները լիովին և արդյունավետորեն պաշտպանում են պետության շահերը, ազնիվ են, հրաժարվում են կաշառք վերցնելուց: Այդ մասին տեղեկանում ենք Panorama.am-ին տրամադրված Դատաիրավական բարեփոխումների 2-րդ ծրագրի շրջանակներում «ԱՄ Փարթնըրզ Քոնսալթինգ Քամփընի»-ի կողմից կատարված ուսումնասիրության քննչական մարմիններին վերաբերող բաժնից:

Հարցումը 2013 թվականի արդյունքներն է ամփոփում: Իսկ 2009-ին պատկերը եղել է այսպիսին` հարցվածների 13.6 տոկոսը բոլորովին համաձայն չեն եղել, որ այդ մարմինները լիովին և արդյունավետորեն պաշտպանում են պետության շահերը, ազնիվ են, հրաժարվում են կաշառք վերցնելուց:

2013-ի արդյունքներով, հարցվածների 5.3 տոկոսը (2009-ին` 11.4 տոկոսը) հիմնականում համաձայն չեն, որ դատախազությունն ու քննչական մարմինները լիովին և արդյունավետորեն պաշտպանում են պետության շահերը, ազնիվ են, հրաժարվում են կաշառք վերցնելուց: 19.8 տոկոսը (2009-ին` 22 տոկոսը) համաձայն են, բայց` վերապահումներով, հիմնականում համաձայն են` 23.7 տոկոսը (2009-ին 28 տոկոսը), լիովին համաձայն են 17,6 տոկոսը (2009-ին 22 տոկոսը) և այդ մասին չգիտեն հարցվածների 6.1 տոկոսը (2009-ին դրանց թիվը եղել է 0.8 տոկոս):

Հարցվածների 45 տոկոսը 2013-ին հայտնել է, որ բոլորովին համաձայն չէ, որ դատախազությունում ու քննչական մարմիններում «գործեր են սարքում», լիովին և արդյունավետորեն պաշտպանում են պետության շահերը: Համեմատության համար նշենք, որ 2009-ին այդ տոկոսը կազմել է 48.5: Հիմնականում համաձայն չեն հարցվածների 9.9 տոկոսը (2009-ին 18.2 տոկոս), համաձայն են, բայց վերապահումներով` 15.3 տոկոսը (2009-ին 15.2 տոկոս), հիմնականում համաձայն են հարցվածների 7.6 տոկոսը (2009-ին 6.8 տոկոս), լիովին համաձայն են 9.2 տոկոսը (2009-ին` 6.8 տոկոս) և այդ մասին չգիտեն հարցվածների 13 տոկոսը (2009-ին 4.5 տոկոս):

Ըստ նույն հարցման, հարցված քաղաքացիների 42.7 տոկոսը կարծիք է հայտնել, որ դատախազությունում և քննչական մարմիններում անկախ չեն և պատվերներ են կատարում, պաշտոնական դիրքն օգտագործում են սեփական խնդիրների լուծման համար: 2009-ին այդ տոկոսը կազմել է 35.6: Եվ միայն հարցվածների 6.9 տոկոսն է (2009-ին 9.1 տոկոս) պատասխանել, որ այդ տարբերակի հետ բոլորովին համաձայն չէ:

Հարցվածների 49.6 տոկոսը պատասխանել է, որ լիովին համաձայն է, որ որոշ դեպքերում դատախազությունում ու քննչական մարմիններում ստիպված են կաշառք վերցնել, անկախ չեն և պատվերներ են կատարում: Համեմատության համար նշենք, որ 2009-ին այդ տվյալը կազմել է 48.5 տոկոս: Հարցվածների միայն 13.7 տոկոսն է ասել (2009-ին 12.9 տոկոսը), որ լիովին համաձայն է, որ հիմա կաշառակերության դեպքերն ավելի քիչ են, քան նախկինում:

Որքանո՞վ եք համաձայն, որ Դատախազությունն ու քննչական մարմինները …		Բոլորովին համաձայն չեն	Հիմնա-կանում համա-ձայն չեն	Համաձայն են վերա-պահում-ներով	Հիմնա-կանում համա-ձայն են	Լիովին համաձայն են	Չգիտեն
Լիովին եւ արդյունավետորեն պաշտպանում են պետության շահերը, ազնիվ են, հրաժար-վում են կաշառք վերցնելուց	2013	27.5%	5.3%	19.8%	23.7%	17.6%	6.1%
	2009	13.6%	11.4%	22.0%	28.0%	22.0%	0.8%
«Գործեր են սարքում», լիովին եւ արդյունավետորեն պաշտ-պանում են պետության շահերը	2013	45.0%	9.9%	15.3%	7.6%	9.2%	13.0%
	2009	48.5%	18.2%	15.2%	6.8%	6.8%	4.5%
Ազնիվ են, հրաժարվում են կաշառք վերցնելուց	2013	10.7%	6.9%	16.8%	12.2%	42.0%	11.5%
Ազնիվ են, հրաժարվում են կաշառք վերցնելուց	2009	9.8%	12.1%	15.2%	15.2%	35.6%	12.1%
Անկախ չեն եւ պատվերներ են կատարում, պաշտոնական դիրքն օգտագործում են սեփական խնդիրների լուծման համար	2013	6.9%	4.6%	16.0%	18.3%	42.7%	11.5%
	2009	9.1%	9.1%	20.5%	18.2%	35.6%	7.6%
Որոշ դեպքերում ստիպված են կաշառք վերցնել, անկախ չեն եւ պատվերներ են կատարում	2013	5.3%	6.1%	11.5%	17.6%	49.6%	9.9%
	2009	3.0%	3.8%	19.7%	23.5%	48.5%	1.5%
Պաշտոնական դիրքն օգտագործում են սեփական խնդիրների լուծման համար	2013	23.7%	6.1%	15.3%	18.3%

Placeholder