Ամենից շատ կարդացված նյութեր

11:19 20/05/2013

Մահմուդ Ահմադինեժադի եղբայրն ու ԱԳՆ նախկին մամլո խոսնակը հրաժարվել են նախագահական ընտրապայքարից

Դավուդ Ահմադինեժադը հրաժարվել է մասնակցել նախագահական ընտրություններին:
Այդ մասին հաղորդում է իրանական «ԻՌԻԲ» լրատվական գործակալությունը:

Դավուդ Ահմադինեժադը ԻԻՀ գործող նախագահ Մահմուդ Ահմադինեժադի եղբայրն է, ով Իրանի իսլամական հեղափոխության պահապանների կորպուսի (ԻՀՊԿ) նախկին սպաներից է: Ահմադինեժադի՝ նախագահ ընտրվելուց հետո նշանակվել է նախագահի աշխատակազմի վերահսկողական ծառայության պետ, սակայն որոշ ժամանակ անց ազատվել է աշխատանքից:

Իրանական «ՖԱՐՍ» լրատվական գործակալության հաղորդմամբ էլ նախագահական ընտրապայքարից հրաժարվել է ԱԳՆ նախկին մամլո խոսնակ Ռամին Մեհմանփարաստը:

Նշենք, որ Սահմանադրության պահապանների խորհուրդը վաղը վերջնական որոշում կկայացնի, թե պաշտոնապես գրանցված թեկնածուներից ով կարող է մասնակցել հետագա ընտրապայքարին: Պահապանների խորհուրդի կողմից հավանության արժանանալուց հետո նոր միայն պաշտոնապես գրանցված թեկնածուները կարող են մասնակցել ընտրապայքարին:

Նախորդող հրապարակումներ՝
Ահմադինեժադի առաջին տեղակալն ու խորհրդականը հրաժարվել են նախագահական ընտրապայքարից

Իրանում 460-ից ավել նախագահի թեկնածու է գրանցվել. Ռաֆսանջանին, Ահմադինեժադի եղբայրն ու խնամին ևս այդ ցուցակում են

Placeholder