Մհեր Հովհաննիսյանը գրավել է 2-րդ տեղը

Միջազգային վարպետ Մհեր Հովհաննիսյանը Հոլանդիայի Լիմբուրգ քաղաքում ավարտված օփենում 7 հնարավորից վաստակել է 5,5 միավոր և բաժանել 1-5-րդ տեղերը: Լրացուցիչ ցուցանիշներով Հովհաննիսյանն արժանացել է 2-րդ մրցանակին: Այս մասին տեղեկացնում է Հայաստանի շախմատի ֆեդերացիայի պաշտոնական կայքը:

Մրցաշարի հաղթող է ճանաչվել գրոսմայստեր Վլադիմիր Դոբրովը`Ռուսաստանից:
Հավելենք, որ մրցաշարին մասնակցում էին 101 շախմատիստներ: