Հրանտ Բագրատյանը հրաժարվել է ներկայացնել վարչապետի հետ ունեցած զրույցների մանրամասները

«Ժողովուրդ»-ի աղբյուրները փոխանցում են, որ նախօրեին ԱԺ ՀԱԿ խմբակցության անդամ Հրանտ Բագրատյանն ու ՀՀ վարչապետ Տիգրան Սարգսյանը հանդիպել և առանձնազրույց են ունեցել: Երեկ թերթը փորձել է Հ. Բագրատյանից պարզել, թե որն է եղել իր և վարչապետի հանդիպման նպատակը, ու, առհասարակ, ինչ են քննարկել: «Վարչապետ Տիգրան Սարգսյանի հետ առանձին հանդիպում չի եղել: Պարզապես եղել է կարճատև զրույց խորհրդարանի դահլիճում ընդմիջումից հետո»,-նշել է պատգամավորը` չցանկանալով մանրամասնել, թե այդ կարճատև զրույցի ժամանակ ինչ են քննարկել: