Սուրիկ Խաչատրյան. Այս պահից սկսած ես այլևս չեմ կատարում Սյունիքի մարզպետի պարտականությունները

ՀՀ Սյունիքի մարզպետ Սուրեն Խաչատրյանը հանդես է եկել հայտարարությամբ: Այս մասին Panorama.am-ը տեղեկանում է մարզպետարանի պաշտոնական կայքէջից:
 
«Ցավում եմ, որ չէի կարող ու չկարողացա կանխել իմ առանձնատան մոտ տեղի ունեցած ողբերգական միջադեպը, հիմա արդեն բոլոր հարցերի պատասխանը պիտի տա օբյեկտիվ քննությունը: Յուրաքանչյուրը պետք է ըստ իր կատարածի պատասխան տա: Այդ թվում և Սուրեն Խաչատրյան ՀՀ քաղաքացին: Ես որոշել եմ թողնել մարզպետի իմ լիազորությունները մինչև նախաքննության ավարտը և արդեն իմ վերադաս մարմնից ստացել եմ թույլտվություն: Այս պահից սկսած ես այլևս չեմ կատարում Սյունիքի մարզպետի պարտականությունները»,-ասված է հայտարարության մեջ: