Մելքումյանը, Մխիթարյանն ու Պետրոսյանը առաջատարներին զիջում են կես միավորով

Գրոսմայստերներ Հրանտ Մելքումյանը, Գրիգոր-Սևակ Մխիթարյանը, Տիգրան Լ. Պետրոսյանը Բուլղարիայի Ալբենա քաղաքում անցկացվող «Մեծ Եվրոպա» մրցաշարում 3 տուրից հետո վաստակել են 2,5-ական միավոր:

Ինչպես տեղեկացնում է armchess.am-ը, նրանք ընդամենը կես միավորով են հետ մնում 6 առաջատարներից: Գրոսմայստեր Ավետիք Գրիգորյանը և Դավիթ Պառավյանն ունեն 2-ական միավոր: