Ամենից շատ կարդացված նյութեր
.jpg "Ռոնալդու. «Ռեալի» հետ ընդհանուր հայտարարի կհանգենք»")
Պորտուգալիայի ֆուտբոլի ազգային հավաքականի ավագ Քրիշտիանու Ռոնալդուն հայտարարել է, որ նույնիսկ չի կարող մտածել այն մասին, որ իր թիմը կարող է չհայտնվել Բրազիլիայում կայանալիք աշխարհի առաջնությունում: Այդ մասին նա խոսել է ընտրական փուլում Ռուսաստանի հավաքականի նկատմամբ 1:0 հաշվով տոնած հաղթանակից հետո:
«Անկեղծ ասած` ես նույնիսկ չեմ մտածել, որ կարող ենք մնալ առանց աշխարհի առաջնության,- նշել է Ռոնալդուն:- Օբյեկտիվորեն նման բան կարող է լինել, սակայն ես աշխատում եմ լավատեսորեն մտածել: Եթե լավ աշխատենք մնացած խաղերում և սառնասրտություն պահպանենք, ապա Բրազիլիա մեկնելու լավ հնարավորություններ կունենանք»:
Ռոնալդուն նաև վստահեցրել է, որ պայմանագրի երկարաձգման հարցում ընդհանուր հայտարարի կգա «Ռեալի» ղեկավարության հետ:
«Ամեն ինչ լավ է, այդ առումով ես չեմ անհանգստանում, գիտեմ, որ ընդհանուր հայտարարի կհանգենք»,- ֆուտբոլիստի խոսքերը մեջբերել է պորտուգալական մամուլը:
Studio One