Մխիթարյանը «Շախտյորին» կմիանա Գոինգում

«Շախտյորի» արձակուրդը մոտեցավ ավարտին: Այսօր առավոտյան «հանքափորների» պատվիրակությունը` գլխավոր մարզիչ Միրչա Լուչեսկուի գլխավորությամբ, մեկնել է միջմրցաշրջանային առաջին հավաքին, որը նախատեսված է ավստրիական Գոինգում: Այս մասին տեղեկացնում է «Շախտյորի» պաշտոնական կայքը:

Դոնեցկյան օդանավակայանից ինքնաթիռը պատվիրակությանը կտեղափոխի Զալցբուրգ, որտեղից էլ «Շախտյորը» կհասնի նախանշված վայրը:

Նշվում է, որ այն ֆուտբոլիստները, ովքեր բացակայում են, այդ թվում` Հայաստանի ազգային հավաքականի կիսապաշտպան Հենրիխ Մխիթարյանը, խաղընկերներին կմիանան արդեն Գոինգում: