Բալոտելլին չի մասնակցի Իսպանիայի հավաքականի հետ խաղին

«Միլանի» հարձակվող Մարիո Բալոտելլին Իտալիայի հավաքականին չի կարողանա օգնել Իսպանիայի ընտրանու հետ Կոնֆեդերացիաների գավաթի խաղարկության կիսաեզրափակիչ խաղում: Բրազիլիայի ընտրանու հետ հանդիպման ժամանակ 22-ամյա Բալոտելլին ձախ ոտքի մկանային վնասվածք է ստացել, որի պատճառով հայտնվել է «Սկուադրա աձուրայի» հոսպիտալում: Բժիշկները փորձել են նրան արագ շարք վերադարձնել, սակայն ապարդյուն:

Ավելացնենք, որ եթե Իտալիայի հավաքականը եզրափակչի ուղեգիր նվաճի, Բալոտելլին կհասցնի ապաքինվել և մասնակցել այդ խաղին: