Ռուս հայտնի դաշնակահար Վադիմ Խոլոդենկոն ելույթ է ունենալու հայ հանդիսատեսի համար

Դաշնակահարների ամենահեղինակավոր մրցույթներից մեկի՝ Վեն Կլայբերնի անվան մրցույթի այս տարվա առաջին մրցանակակիր Վադիմ Խոլոդենկոն ելույթ է ունենալու հայ հանդիսատեսի համար: Նա հանդես է գալու Հայաստանի պետական ֆիլհարմոնիկ նվագախմբի հետ: Այս մասին Panorama.am-ին տեղեկացնում են նվագախմբի մամուլի ծառայությունից:

Ծրագրում հնչելու է Չայկովսկի (Դաշնամուրի կոնցերտ թիվ 1), Բեթհովեն (Սիմֆոնիա թիվ 2): Դիրիժոր է Էդուարդ Թոփչյանը:

Համերգը տեղի է ունենալու հուլիսի 7-ին Արամ Խաչատրյան համերգասրահում: