«Բորուսիայում» Մխիթարյանը կստանա 10 համարի մարզաշապիկը

Հայաստանի ֆուտբոլի ազգային հավաքականի և Դոնեցկի «Շախտյորի» կիսապաշտպան Հենրիխ Մխիթարյանն այսօր Երևանից մեկնել է Դորտմունդ` «Բորուսիայի» հետ պայմանագիր ստորագրելու համար: Ինչպես տեղեկացնում է «Սպորտ Էքսպրեսը», սպասվում է, որ արդեն այսօր երեկոյան հայ ֆուտբոլիստն իր նորամուտը կնշի գերմանական թիմի կազմում Մագդեբուրգում կայանալիք բարեգործական խաղում: 

Ըստ գերմանական «Der Westen»-ի տեղեկությունների, որը Մխիթարյանին անվանել է «տրանսֆերի արքա», «Բորուսիայում» Հենրիխը կստանա 10 համարի մարզաշապիկը: