Կառավարությունը հարկատուների հաշվին լավություն է անում Արթուր Բաղդասարյանին

ՀՀ կառավարության առաջիկա նիստում կքննարկվի ՀՀ Անվտանգության խորհրդի քարտուղար Արթուր Բաղդասարյանի հետ կապված «Հայասի» ՍՊԸ-ին հարկային արտոնություններ տալու հարցը: «Հայկական ժամանակ»-ը նշում է, որ այս ընկերությունը ժամանակին որոշել էր վիսկի արտադրել:

«Բայց ինչպես երևում է, այդ պրոյեկտը ձախողվել է և որպեսզի ընկերության ֆինանսական վիճակը կայունանա, կառավարությունը որոշել է հետաձգել նրա հարկային պարտավորությունների կատարման վերջնաժամկետները: Թե ինչու է կառավարությունը հարկատուների հաշվին լավություն անում Արթուր Բաղդասարյանին, այնքան էլ չի հասկացվում»,-նկատել է թերթը: