Ամենից շատ կարդացված նյութեր
.jpg "Սահակյան-Կոժար հանդիպումն ավարտվեց. Այն տևեց նախատեսվածից ավելի երկար")
Արտաքին գործերի նախարարությունում նախարար Էդվարդ Նալբանդյանի հետ հանդիպումից ու համատեղ մամլո ասուլիսից հետո՝ ԵԱՀԿ գործող նախագահ, Ուկրիանայի ԱԳ նախարար Լեոնիդ Կոժարը անշտապ քայլվածքով` պատվիրակության ուղեկցությամբ, ժամանեց «Armenia Marriott» հյուրանոց, ուր րոպեներ անց ժամանեց նաև Լեռնային Ղարաբաղի Հանրապետության նախագահ Բակո Սահակյանը: Նախագահի և Լեոնիդ Կոժարի հանդիպումը, ըստ արարողակարգի, պետք է տևեր շուրջ կես ժամ, սակայն զրուցակիցները թերևս միմյանց ասելիք ունեին, և հանդիպումը երկարեց:
Ցավոք, ո՛չ ԼՂՀ նախագահ Բակո Սահակյանը, ո՛չ Լ.Կոժարը հանդիպումից հետո չպատասխանեցին լրագրողների հարցերին` նշելով, որ համապատասխան հաղորդագրություն կտարածվի:
Լ. Կոժարը շտապեց ԱԳ նախարար Էդվարդ Նալբանդյանի հետ աշխատանքային ճաշի: Այսօր արդեն նա կմեկնի Հայաստանից:
Նախորդող հրապարակում՝ Երևանում ընթանում է Բակո Սահակյանի ու ԵԱՀԿ գործող նախագահի հանդիպումը
Studio One