Բարոնուհի Քոքսն Արցախում է

Արցախի Հանրապետության Նախագահ Բակո Սահակյան այսօր ընդունել է բարոնուհի Քերոլայն Քոքսին և նրան ուղեկցող անձանց:

Արցախի Հանրապետության նախագահի աշխատակազմի տեղեկատվության գլխավոր վարչության հաղորդմամբ, հանդիպման ընթացքում արծարծվել են Արցախի ներքին ու արտաքին քաղաքականությանը և տարածաշրջանում ընթացող գործընթացներին առնչվող մի շարք հարցեր:

Երկրի ղեկավարը երախտագիտություն է հայտնել բարոնուհուն Արցախին մշտապես սատարելու համար` նշելով, որ նրա կողմից ցուցաբերվող աջակցությունը կարևոր է քաղաքական, սոցիալ-տնտեսական և բարոյական տեսանկյուններից:

Հանդիպմանը մասնակցում էին Արցախի Հանրապետության արտգործնախարար Կարեն Միրզոյանը, պաշտոնատար այլ անձինք: