Ադրբեջանում իսրայելցի ֆուտբոլիստների անվտանգությամբ կզբաղվի Մոսսադը

 Հուլիսի 20-ին Ադրբեջանում կայանալիք իսրայելական «Մաքքաբի» և ադրբեջանական «Խազար-Լանկարան» ֆուտբոլային ակումբների հանդիպման անվտանգությունը կապահովեն Իսրայելի հատուկ ծառայությունների գործակալները, հայտնում է «Haqqin.az»-ը:

Իսրայելական կողմը անվտանգության նման միջոցները բացատրում է նրանով, որ Լանկարանը մոտ է գտնվում Իրանի հետ սահմանին: Իսրայելական հատուկ ծառայությունների ներկայացուցչի խոսքերով՝ Լանկարանն այնքան մոտ է Իրանին, որ կարծես կարելի է այն ձեռքով վերցնել:

Նշվում է նաև, որ իսրայելական կողմն անվտանգության՝ մինչ այժմ աննախադեպ միջոցներ է ձեռնարկում. «Մաքքաբի» ակումբի մարզիկների անվտանգության պահպանմամբ զբաղվում են նաև Մոսսադի գործակալները: