Բ.Ասատրյան. Գծատերերի միակ խնդիրն այն է, որ իրենց գերշահույթները չպակասեն

«Մինչ այս պահը ունեինք գերշահույթներ և այդպես էլ շարունակվելու է»,- լրագրողների հետ հանդիպմանը հայտարարեց ԲՀԿ-ական նախկին պատգամավոր Վարդան Բոստանջյանը` անդրադառնալով վերջին թանկացումներին:

ԿԲ նախկին նախագահ Բագրատ Ասատրյանն էլ ասաց, որ իշխանությունները ստախոսում են, ինչին հասարակությունը փորձում է դիմադրել` նախօրեին ինքը անձամբ ականատեսն է եղել երիտասարդների կազմակերպած ակցիային:

Նաև երրորդ խնդիրը բարձրաձայնեց` Երևանի քաղաքապետարանի հաշվարկները. «Գծի տերերի միակ խնդիրն այն է, որ իրենց գերշահույթները չպակասեն: Գիտեք, չէ, թե քանի գծատեր կա Ազգային Ժողովում»,- նշեց նա` ընդգծելով, որ քաղաքապետարանի հաշվարկները, որով արդարացվում են հասարակական տրանսպորտի գների բարձրացումը, ուղղակի հեգնանք ու ծիծաղ է մեզ բոլորիս ուղղված: