Պռոշյանի գյուղապետարանի ողջ աշխատակազմն ազատման դիմում է ներկայացրել

Երեկ Պռոշյան համայնքի գյուղապետարանի ամբողջ աշխատակազմը աշխատանքից ազատվելու դիմումներ է ներկայացրել համայնքի նորընտիր ղեկավար Արթուր Մուրադյանին, ում համար անակնկալ է եղել գյուղապետարանի աշխատակիցների այս քայլը, այս մասին գյուղապետը իմացել է էլեկտրոնային լրատվամիջոցներից:

Աշխատակազմի 15 անդամներից 13-ը իրենց քայլը «Ժամանակ»-ի թղթակցի հետ զրույցում հիմնավորել են նրանով, որ Հրաչ Մուրադյանի սպանությունից մինչև այսօր չէն բացահայտվել սպանության պատվիրատուները: