Սիրիայի ապստամբները Հալեպում ռազմական օդանավակայան են գրավել

Սիրիայի ապստամբները Հալեպ նահանգում գրավել են կարևորագույն ռազմական օդանավակայան՝ իրենց վերահսկողության տակ վերցնելով դեպի Հալեպ քաղաք տանող մայրուղին:

France Presse-ն հայտնում է, որ ռազմական օդանավակայանը տեղակայված է Հալեպի և Թուրքիայի Գազիանթեփ քաղաքի միջև: Ապստամբներին այն հաջողվել է գրավել ութ ամիս տևած պայքարից հետո և այն ընդդիմության համար խորհրդանշական հաղթանակ է:

«Իրաքի և Լևանտի իսլամական պետությունը» ու ընդդիմադիր խմբավորումները ամբողջական վերահսկողություն են սահմանել Մենաղ քաղաքի օդնավակայանի վրա»,-ասված է մարդու իրավունքների սիրիական մոնիթորինգի կենտրոնի հայտարարության մեջ: