Լատվիայում սկսվել է ստորագրահավաք Գարիկ Մարտիրոսյանին քաղաքացիություն տալու համար

Լատվիայում ստորագրահավաք է սկսվել ՈւՀԱ-ի հաղորդավար Ալեքսանդր Մասլյակովին, Գարիկ Մարտիրոսյանին, կոմպոզիտոր Իգոր Կրուտոյին երկրի քաղաքացիություն տալու համար: Այս մասին գրում է Gazeta.ru կայքը:

Ստորագրահավաքը նախաձեռնել է երկրի խորհրդարանի նախկին պատգամավոր ձեռնարկատեր Ալեքսեյ Խոլոստովը: Նրա կարծիքով, Մասլյակովը, Կրուտոյն ու Մարտիրոսյանը վաստակել են Լատվիայի քաղաքացիություն ստանալու իրավունքը:

Լատվիայի օրենսդրության համաձայն, 16 տարին լրացած 10 հազար քաղաքացիների ստորագրությունը հավաքած նախաձեռնությունը կոլեկտիվ հայտարարության կարգավիճակ ունի և պետք է քննարկվի երկրի խորհրդարանում: