Աշոտյանը պատրաստ է լսել ակցիայի մասնակիցներին, բայց նրանք վերև չեն բարձրանում

Վարձավճարների թանկացումից դժգոհ քաղաքացիներն այսօր բողոքի ակցիա են անցկացնում կրթության և գիտության նախարարության դիմաց` պահանջելով, որ ԿԳ նախարար Արմեն Աշոտյանը իջնի և լսի իրենց:

ԿԳՆ ներկայացուցիչը բողոքի ակցիայի մասնակիցներին հայտնեց, որ Աշոտյանը պատրաստ է նախարարությունում ընդունել բոլոր մասնակիցներին ու լրատվամիջոցների ներկայացուցիչներին: Սակայն բողոքի ակցիայի մասնակիցները հրաժարվեցին վերև բարձրանալ, դա որակելով կուլիսային քննարկում, ապա կրկնեցին պահանջը, որ Աշոտյանն իջնի իրենց հետ հանդիպման:

Հիշեցնենք, որ երեկ քաղաքացիները բողոքի ակցիա էին անցկացնում կառավարության շենքի դիմաց` պահանջելով, որ անձամբ վարչապետը իջնի և վերցնի իրեն ուղղված բաց նամակը: Վարչապետ Տիգրան Սարգսյանն այդպես էլ չիջավ:

Երեկվա ակցիայի տեսանյութը` այստեղ:

Նախորդող հրապարակում`
Բողոքի ակցիա կառավարության դիմաց. Վերանայել ուսման վարձերի չափը