Շաբաթվա ընթացքում ջերմաստիճանը կհասնի +36-ի

Հանրապետության տարածքում օգոստոսի 13-ին, 14-ին առանձին շրջաններում հատկապես գիշերվա առաջին կեսին և օրվա երկրորդ կեսին սպասվում է կարճատև անձրև և ամպրոպ, տեղ-տեղ հնարավոր է կարկուտ, 15-17-ին սպասվում է առանց տեղումների եղանակ: Քամին հարավ-արևմտյան` 5-10 մ/վրկ, ամպրոպի ժամանակ քամու ուժգնացում մինչև 15-20 մ/վրկ: Օդի ջերմաստիճանը օգոստոսի 15-17-ին կբարձրանա 2-3 աստիճանով:

«Հայպետհիդրոմետ» ծառայության հաղորդմամբ, Երևանում օգոստոսի 13-ին, 14-ին գիշերը և երեկոյան ժամերին սպասվում է ամպրոպ, կա կարճատև անձրևի փոքր հավանականություն, 15-17-ին սպասվում է առանց տեղումների եղանակ: Երեկոյան ժամերին սպասվում է քամու ուժգնացում 17-22մ/վրկ:

Մայրաքաղաքում այսօր և վաղը ցերեկը կգրանցվի +33 աստիճան, իսկ օգոստոսի 16-ին ջերմաստիճանը կհասնի +35-ի, հաջորդ օրը` +36-ի:

Երևանի օգոստոսի 13-ի բազմամյա կլիմայական տվյալներ`

· Օդի առավելագույն ջերմաստիճան 41.00C (2003թ.)
· Օդի նվազագույն ջերմաստիճան 12.70C (1934թ.)
· Օդի միջին օրական ջերմաստիճան 25.90C