Արոնյանը ռևանշի հասավ Նակամուրայի նկատմամբ

Սենթ Լուիսում ընթացող մրցաշարի 4-րդ տուրում Լևոն Արոնյանը տոնեց առաջին հաղթանակը: Հայ գրոսմայստերն առավելության հասավ առաջատարի` Հիկարու Նակամուրայի նկատմամբ, ում զիջել էր առաջին շրջանի խաղում:

Մյուս զույգում Մագնուս Կարլսենը պարտության մատնեց Գատա Կամսկուն և, օգտվելով այն հանգամանքից, որ Նակամուրան միավոր է կորցրել, 3 միավորով գլխավորեց մրցաշարային աղյուսակը: Նակամուրան իր ակտիվում ունի 2,5, Արոնյանը` 2, իսկ Կամսկին` 0,5 միավոր:

Այսօր կայանալիք 5-րդ տուրում Արոնյանի մրցակիցը Կամսկին է, իսկ Նակամուրան կխաղա Կարլսենի հետ: