Գրողների միության նախագահի արտահերթ ընտրությունը՝ նոյեմբերին. տեսակետ կա, որ բանաստեղծ Էդվարդ Միլիտոնյանն է ընտրվելու

Հայաստանի գրողների միության արտահերթ համագումարը նախատեսվում է անցկացնել նոյեմբերին, որի ընթացքում անցկացվելու է ՀԳՄ նախագահի ընտրություն: «Հայկական ժամանակ»-ի թղթակցին այս մասին հայտնել է գրականագետ Ավիկ Իսահակյանը:

Իսահակյանն ընդգրկված է համագումարի նախապատրաստական աշխատանքները կազմակերպելու նպատակով ստեղծված հանձնաժողովի կազմում: Այս պահի դրությամբ, գրողների շրջանում համոզմունք կա, որ ՀԳՄ հաջորդ նախագահը դառնալու է բանաստեղծ Էդվարդ Միլիտոնյանը: