Ամենից շատ կարդացված նյութեր

15:10 30/09/2013

Բաշար ալ-Ասադ. Օբամա-Ռոհանի հեռախոսազրույցի փաստը դրական ազդեցություն կունենա սիրիական զարգացումների վրա

«Օբամա-Ռոհանի հեռախոսազրույցի փաստը դրական ազդեցություն կունենա սիրիական զարգացումների վրա»,-այդ մասին իրանական «ՖԱՐՍ» լրատվական գործակալության հաղորդմամբ՝ հայտարարել է Սիրիայի նախագահ Բաշար ալ-Ասադը:

Սիրայի նախագահը, «Ռայ Նյուզ 24» հեռուստաալիքին տված հարցազրույցում, անդրադառնալով Օբամայի և Ռոհանիի միջև օրերս կայացած հեռախոսազրույցին, մասնավորապես նշել է. «Ես համոզված եմ, որ այդ փաստը մի քանի պատճառով դրական ազդեցություն կունենա սիրիական զարգացումների վրա»:

Շարունակելով թեման՝ Ասադը հավելել է. «Առաջին. Իրանը Սիրիայի դաշնակիցն է. Երկրորդ. մենք իրանցիներին վստահում ենք և երրորդ. իրանցիները, սիրիացիները, ինչպես աշխարհի որևէ երկիր ամերիկացիներին չեն վստահում. Ես համոզված եմ, որ նույնիսկ ԱՄՆ-ի որոշ դաշնակիցներ այդ երկրի կառավարությանը չեն վստահում»:

«Եթե ամերիկացիները Իրանի հետ հարաբերությունները բարելավելու հարցում անկեղծ լինեն, ապա դրա արդյունքը ոչ միայն Սիրիայի ճգնաժամի, այլև տարածաշրջանի մի շարք խնդիրների լուծման վրա դրական ազդեցություն կունենա»:

Նախորդող հրապարակում՝

Իսլամական հեղափոխությունից հետո առաջին անգամ Իրանի և ԱՄՆ-ի նախագահները միմյանց հետ զրուցել են

Placeholder