Մանկապարտեզներին սնունդ մատակարարած ընկերությունները պատասխանատվության կենթարկվեն. Որոշումը` ՏՄՊՊՀ նիստում

Տնտեսական մրցակցության պաշտպանության պետական հանձնաժողովը լայնածավալ ուսումնասիրություն է իրականացրել «Էկոլոգիապես մաքուր արտադրանք», «Բիո», «Էկո», «Օրգանական» և նման անվանումներով մակնշված պարենային ապրանքների շուկայում:

Հանձնաժողովի մամուլի ծառայության հաղորդմամբ, երկուշաբթիին Հանձնաժողովի նիստում կհրապարակվեն ուսումնասիրության արդյունքները:

Նիստում ընդգրված է նաև ծերանոցներին, մանկատներին և մանկապարտեզներին պետական գնումների շրջանակում սննդի մատակարար հանդիսացած 3 ընկերությունների պատասխանատվության ենթարկելու հարցը:

Հիշեցնենք, որ այս տարվա ապրիլին վարչապետ Տիգրան Սարգսյանն անդրադառնալով պետական գնումների ոլորտին նշել էր, որ մի շարք դեպքերում պետական գնումների արդյունքում ապրանքները ձեռք են բերվում ավելի թանկ գնոց, քան այն դրված է խանութում:

Նախորդող հրապարակումներ`
Պետական կարիքների համար գնվող ապրանքները պետք է ավելի էժան գներով ձեռք բերվեն

Նախարարները չեն ընդունում, որ գնման գործընթացում եղել են չարաշահումներ

«Պետական միջոցների հաշվին կատարվել են 84,2 մլն. դրամի չհիմնավորված գնումներ և 140 մլն. դրամից ավելի անարդյունավետ ծախսեր»