Ո՞վ կստանա Վահան Հովհաննիսյանի մանդատը

«ՀՅԴ-ում պնդում են, որ Վահան Հովհաննիսյանի դեսպան դառնալու պրոցեսը դեռ երկար կտևի: Եվ, այնուամենայնիվ, քննարկում է նրա պատգամավորական մանդատի հարցը: Բանն այն է, որ մանդատի հավակնող Արամայիս Գրիգոյանը, ըստ ամենայնի, կնշանակվի մարզպետ: Համամասնական ցուցակի հաջորդ համարը ԳՄ քարտուղար Միքայել Մանուկյանն է:

ՀՅԴ-ում կարծում են, որ մեծ է հավանականությունը, որ ընկեր Միքայել հրաժարվի` մանդատը զիջելով իրեն հաջորդող Կարեն Շահմուրադյանին. վերջինս Ուկրաինայում ՀՀ դեսպան Սերվիզ Անդոյի բիզնես պարտնյորն է Հայաստանում»,-գրել է «Հրապարակ»-ը: