Սամվել Ալեքսանյանն ակտիվիստներին հետևում էր «Մալիբուից»

«Ազատագրենք հուշարձանն օլիգարխից» նախաձեռնության մի խումբ ակտիվիստներ ամենօրյա բողոքի ակցիաների շրջանակում երեկ ևս հավաքվել են Մաշտոցի պողոտա, ապա երթով շարժվել են դեպի «Փակ շուկա»:

Երեկ Մաշտոցի պուրակի հարևանությամբ գտնվող «Մալիբու» սրճարան էր եկել «Փակ շուկայի» սեփականատեր, գործարար պատգամավոր Սամվել Ալեքսանյանը: Թե որն էր հենց այդ ժամին այնտեղ գտնվելու նպատակը՝ «Ժամանակ»-ին չի հաջողվել պարզել: Դե, իսկ ակտիվիստները նրան շրջանցելով, բայց միևնույն ժամանակ հենց նրան ուղղված կոչերով սկսել են երթը, որն ավարտվել է «Փակ շուկայի» մոտ, որտեղ նրանց դեմ կրկին կանգնել են Ս. Ալեքսանյանի պաշտպանները: