Իրանի փոխնախագահը ՅՈՒՆԵՍԿՕ-ից պահանջում է կասեցնել Ադրբեջանի հակամշակութային գործողությունները

«Իրանը Նիզամի Գյանջավիի ժառանգության հանդեպ Ադրբեջանի կատարած քայլերի առնչությամբ բողոք է ներկայացրել ՅՈՒՆԵՍԿՕ-ին»,-այդ մասին նշված է ԻԻՀ Մշակութային ժառանգության և զբոսաշրջության կազմակերպության պաշտոնական կայքում:

Համաձայն հաղորդագրության՝ Իրանի փոխնախագահ, Մշակութային ժառանգության և զբոսաշրջության կազմակերպության ղեկավար Մոհամմադ Ալի Նաջաֆին ՅՈՒՆԵՍԿՕ-ի գլխավոր քարտուղար Իրինա Բոկովային գրած նամակում, իր բողոքն արտահայտելով իրանցի բանաստեղծ Նիզամի Գյանջավիի գերեզմանի պատերին պարսկերենով գրված բանաստեղծություններն ադրբեջաներենով փոխարինելու Ադրբեջանի նախաձեռնության հանդեպ, պահանջել է, որպեսզի ՅՈՒՆԵՍԿՕ-ն անհապաղ քայլեր ձեռնարկի, որպեսզի կասեցվի Ադրբեջանի հակամշակութային գործողությունները և Գյանջավիի գերեզմանի զարդաքանդակները բերվեն սկզբնական տեսքին:

Նկատենք, որ մշակութային և պատմական հարցերի շուրջ Իրանի և Ադրբեջանի հարաբերություններում վերջին տարիներին զգալի տարաձայնություններ են առաջացել: Իրանական կողմի պնդմամբ՝ Ադրբեջանը բացի իրանցի բանաստեղծ Նիզամի Գյանջավիին որպես ադրբեջանական ներկայացնելուց, սեփականացնում է նաև իրանական երաժշտական գործիքները, արդեն նաև ճոկան մարզախաղը, ինչն էլ հարուցում է իրանցի պաշտոնյաների և արվեստագետների դժգոհությունը:

Նախորդող հրապարակումներ՝
Միջազգային կառույցները պետք է կանխեն հարևան ազգերի մշակույթը յուրացնելուն ուղղված Ադրբեջանի քայլերը. Իրանագետ

Իրանի դեսպանը Գյանջավիի պարսկերեն ստեղծագործությունները ադրբեջաներենով փոխելու Բաքվի քայլը տարօրինակ է համարում

Իրանը կրկին դժգոհում է. Ադրբեջանը փորձում է ՅՈՒՆԵՍԿՕ-ում իր անվանը գրանցել հին իրանական ճոկան մարզախաղը

Իրանցի երաժշտագետ. Թառի վերաբերյալ Ադրբեջանի ներկայացրած պնդումները կեղծ են