ՎՊ-ն ստուգումները կավարտի մինչև դեկտեմբերի 15-ը

Վերահսկիչ պալատի խորհրդի ընդլայնված նիստում այսօր քննարկվել է 2013 թվականի տարեկան ծրագրի վերահսկողության ընթացքն ու 2014 թվականի գործունեության տարեկան ծրագրի նախագիծը:

ՎՊ լրատվական ծառայության հաղորդմամբ, Վերահսկիչ պալատի նախագահ Իշխան Զաքարյանը վարչության պետերին և վերահսկողություն իրականացնող հանձնաժողովի նախագահներին հանձնարարել է մինչև դեկտեմբերի 15-ն ավարտել 2013 թվականի գործունեության տարեկան ծրագրով նախատեսված թեմաների ստուգումները:

Վերահսկիչ պալատի խորհրդի նիստում հաստատվել է 2014 թվականի գործունեության տարեկան ծրագրի նախագիծը, որը մինչև սույն թվականի նոյեմբերի 1-ը կուղարկվի Ազգային ժողով: