Արամ Մուղալյանը և նրա ընկերները վերաքննիչ բողոք են ներկայացրել

Արմավիրի մարզի ընդհանուր իրավասության դատարանում ազատազրկման դատապարտված և համաներմամբ ազատ արձակված երիտասարդներ Արամ Մուղալյանը և նրա ընկերները՝ Ռոբերտ Փիլոյանը, Արթուր Քլյանը և Գագիկ Առաքելյանը վերաքննիչ բողոք են ներկայացրել՝ Վերաքննիչ դատարանից պահանջելով արդարացնել իրենց: Այդ մասին Panorama.am-ին տեղեկացրեց Արամ Մուղալյանը:

Վերաքննիչ դատարան դիմելու վերջնաժամկետը նոյեմբերի 15-ն էր: Առայժմ հայտնի չէ՝ վարույթ ընդունե՞լ է դատարանը վերաքննիչ բողոքը, թե՞ ոչ:

Ավելի վաղ Panorama.am-ը տեղեկացրել էր, որ Արմավիրի մարզի ընդհանուր իրավասության դատարանի վճռով (դատավոր Վահե Խալաթյան) Արամ Մուղալյանը մեղավոր էր ճանաչվեց ՀՀ Քրեական օրենսգքրի 258 հոդվածի 1-ին մասով, 258 հոդվածի 3-րդ մասի 1-ին կետով (խուլիգանություն) և 34-185 հոդվածի հատկանիշներով (գույքը դիտավորությամբ ոչնչացնելը կամ վնասելը) նախատեսված հանցագործություններ կատարելու համար: Դատարանի որոշմամբ, պատիժները գումարելու միջոցով Արամ Մուղալյանը դատապարտվել էր 2 տարի վեց ամիս ժամկետով: Սակայն նրա նկատմամբ կիրառվել էր համաներում հայտարարելու մասին Ազգային ժողովի որոշումը, և նա դատարանի դահլիճից ազատ էր արձակվել:

Ռոբերտ Փիլոյանը մեղավոր էր ճանաչվել Քր. Օր.-ի 258 հոդվածի 1-ին մասով, 258 հոդվածի 3-րդ մասի 1-ին կետով (խուլիգանություն) և 34-185 հոդվածի հատկանիշներով (գույքը դիտավորությամբ ոչնչացնելը կամ վնասելը) հանցագործությունենր կատարելու համար: Դատարանի որոշմամբ, պատիժները մասնակիորեն գումարելու սկզբունքով Փիլոյանը դատապարտվել էր 2 տարի վեց ամիս ժամկետով: Սակայն նրա նկատմամբ նույնպես կիրառվել էր համաներում հայտարարելու մասին Ազգային ժողովի որոշումը, և նա նույնպես դատարանի դահլիճից ազատ էր արձակվել:

Արթուր Քլյանը նույնպես մեղավոր էր ճանաչվել ՀՀ քրեական օրենսգրքի 258 հոդվածի 1-ին մասով, 258 հոդվածի 3-րդ մասի 1-ին կետով (խուլիգանություն) նախատեսված հանցագործություններ կատարելու համար: Դատարանի որոշմամբ, պատիժները մասնակիորեն գումարելու սկզբունքով Քլյանը դատապարտվել էր 1 տարի մեկ ամիս ազատազրկման: Նրա նկատմամբ նույնպես կիրառվել էր համաներումը, և նա նույնպես ազատ էր արձակվել դատարանի դահլիճից:

Գագիկ Առաքելյանը նույնպես մեղավոր էր ճանաչվել ՀՀ քրեական օրենսգրքի 258 հոդվածի 1-ին մասով և 34-185 հոդվածի հատկանիշներով (գույքը դիտավորությամբ ոչնչացնելը կամ վնասելը) հանցագործություններ կատարելու համար: Դատարանի որոշմամբ, պատիժները մասնակիորեն գումարելու սկզբունքով Առաքելյանը դատապարտվել էր 1 տարի մեկ ամիս ժամկետով: Առաքելյանի նկատմամբ նույնպես կիրառվել էր համաներում հայտարարելու մասին Ազգային ժողովի որոշումը, և նա նույնպես դատարանի դահլիճից ազատ էր արձակվել:

Նախորդող հրապարակումներ

«Քեմբրիջից «Նուբարաշեն»». Մուղալյանը և Առաքելյանը` անազատության ու առաջիկա անելիքների մասին (տեսանյութ)

Քեմբրիջի համալսարանի շրջանավարտը «Նուբարաշեն»-ում է. Մայրը դժգոհում է Արմավիրի իրավապահներից ու նախագահից օգնություն խնդրում

«Լույս» հիմնադրամը արձագանքել է Panorama.am-ի հրապարակմանը

Ինչպես են Քեմբրիջի շրջանավարտն ու իր ընկերները հայտնվել «Նուբարաշեն»-ում. Նոր մանրամասներ (լուսանկար)

Արամ Մուղալյանի և նրա ընկերների գործով Անահիտ Բախշյանը նամակ է գրել Աղվան Հովսեփյանին

«Բողոքելու բան չունենք, ֆսյո». Քեմբրիջի շրջանավարտի ու նրա ընկերների գործով տուժողը պնդում է, որ վնաս չի կրել (ֆոտո)

Պրոֆեսոր Իշխանյանը երաշխավորել է փոխել Քեմբրիջի շրջանավարտ Մուղալյանի խափանման միջոցը (ֆոտո)

«Նուբարաշեն»-ում գտնվող Քեմբրիջի շրջանավարտը հացադուլ է հայտարարել

Դատավոր Վահե Խալաթյանն անդրդվելի է. Մուղալյանն ու նրա ընկերները կմնան կալանքի տակ

«Այ ցավդ տանեմ, ինչ տեսել եմ, ասում եմ». Վկայի վարքը նյարդայնացրեց դատավոր Խալաթյանին (տեսանյութ)