Հայաստանի երիտասարդական հավաքականը հաղթեց Բելառուսի ընտրանուն

Երեկ Հայաստանի ֆուտբոլի երիտասարդական հավաքականը Բորիսով քաղաքում անցկացրեց Եվրոպայի 2015 թ. երիտասարդական առաջնության ընտրական հանդիպումը Բելառուսի ընտրանու հետ: Վարդան Բակալյանի դիպուկ հարվածը հաղթանակ պարգևեց մեր թիմին 1:0 հաշվով: Այս մասին հայտնում է ՀՖՖ պաշտոնական կայքը:

Հայաստանի Մ-21 հավաքականը տոնեց երկրորդ հաղթանակը ընտրական ընթացիկ մրցաշարում և 6 միավորով ընթանում է 4-րդ տեղում: