Վարդան Պետրոսյանի գործով տուժողի փաստաբանը փոխվել է

Վերաքննիչ դատարանի դիմաց այս պահին բազմաթիվ մարդիկ են հավաքվել, այդ թվում մտավորականներ, իսկ ներսում քննվում է Վարդան Պետրոսյանի` խափանման միջոց կալանքը փոխելու մասին փաստաբան Նիկոլայ Բաղդասարյանի բողոքը:

Ինչպես փոխանցում է Panorama.am-ի թղթակիցը, փոխվել է տուժող կողմի փաստաբանը և Գինոսյանի փոխարեն տուժողին կներկայաացնի Ռուբեն Բալոյանը:

Մինչ դատարանը որոշում կկայացնի, դատարանի դիմաց «Ժառանգության» անդամ Ստյոպա Սաֆարյանը հայտարարեց, որ եթե կալանքը թողնվի անփոփոխ, «ապա դա կլինի վերևների որոշումը»:

«Ժառանգության» անդամներից դատարան մոտ է նաև Անահիտ Բախշյանը, այստեղ են նաև արվեստագետներ` Զարուհի Մուրդյանը, Նարեկ Հարթունյանը և այլք:

Հիշեցնենք` հարուցված քրեական գործի նախաննության շրջանակներում դերասան, երգիծաբան Վարդան Պետրոսյանին մեղադրանք էր առաջադրվել ՀՀ Քրեական օրենսգրքի 242-րդ հոդվածի 3-րդ մասի հատկանիշներով՝ «Ավտոմեքենա կամ մեխանիկական այլ տրանսպորտային միջոց վարող անձի կողմից ճանապարհային երթևեկության կամ տրանսպորտային միջոցների շահագործման կանոնները խախտելը որն անզգուշությամբ առաջացրել է երկու կամ ավելի մարդու մահ»:

 Նախորդող հրապարակումներ.