Էշթոնը հույս ունի, որ Ուկրաինան եվրաինտեգրման շուրջ բանակցություններում շուտափույթ առաջընթաց կգրանցի

ԵՄ արտաքին քաղաքականության հարցերով գերագույն հանձնակատար Քեթրին Էշթոնը հույս ունի, որ Ուկրաինան եվրաինտեգրման շուրջ բանակցություններում շուտափույթ առաջընթաց կգրանցի: Այս մասին հաղորդում է «Իտար-տաս» լրատվական գործակալությունը:

«Մեզ համար հստակ է, որ մենք ցանկանում ենք ուժեղ փոխհարաբերություններ ունենալ Ուկրաինիայի հետ: Սա երկկողմ շահերից է բխում: Ես հույս ունեմ, որ մենք առաջ կգնանք այնքան արագ, որքան հնարավոր է »,-նշել է Էշթոնը:

Եվրոպական խորհրդարանի նախագահ Մարտին Շուլցն իր հերթին նշել է, որ պայմանավորվածություն է ձեռք բերվել Ուկրաինիայի նախագահ Վիկտոր Յանուկովիչի հետ՝ Բրյուսելում մոտ ժամանակներս հանդիպելու համար»: