«ՖԱՐՍ». Ադրբեջանը «ՅՈՒՆԵՍԿՕ»-ին հղած դիմումում Իրանի հյուսիսային նահանգները ներկայացրել է «Հարավային Ադրբեջան»

«Ադրբեջանը ճոկանի հարցով «ՅՈՒՆԵՍԿՕ»-ին հղած դիմումում Իրանի հյուսիսային նահանգները ներկայացրել է «Հարավային Ադրբեջան»»,-այդ մասին նշված է իրանական «ՖԱՐՍ» լրատվական գործակալության կայքում թողարկված հոդվածում:

Տեղեկատվության մեջ նշվում է, որ այսօր Բաքվում անցկացվող «ՅՈՒՆԵՍԿՕ»-ի համաժողովի ընթացքում Ադրբեջանը նպատակ ունի հին իրանական ճոկան (polo) մարզախաղը գրանցել իր անվանը:

«Որոշ աղբյուրների հաղորդմամբ՝ Ադրբեջանը ճոկան խաղը իր անվանը գրանցելու նպատակով «ՅՈՒՆԵՍԿՕ»-ին հղած դիմումին կից հավելվածում ճոկան մարզախաղի վերաբերյալ փաստավավերագրական նյութեր է ներկայացրել, որտեղ Իրանի Արևելյան և Արևմտյան Ազարբայջան նահանգները հիշատակվում են որպես «Հարավային Ադրբեջան»:
Այսպիսի հնարքով տպավորություն է ստեղծվում, թե «Հարավային Ադրբեջանը»-ը Ադրբեջանի տարածքի մի մասն է և ներկայացված պատմավավերագրական նյութն էլ վերաբերում է Ադրբեջանի Հանրապետությանը»,-նշում է իրանական աղբյուրը:

Նկատենք, որ մշակութային և պատմական հարցերի շուրջ Իրանի և Ադրբեջանի հարաբերություններում վերջին տարիներին զգալի տարաձայնություններ են առաջացել: Իրանական կողմի պնդմամբ՝ Ադրբեջանը բացի իրանցի բանաստեղծ Նիզամի Գյանջավիին որպես ադրբեջանական ներկայացնելուց, սեփականացնում է նաև իրանական երաժշտական գործիքները, արդեն նաև ճոկան մարզախաղը, ինչն էլ հարուցում է իրանցի պաշտոնյաների և արվեստագետների դժգոհությունը:

Թեմայի առնչությամբ մեկնաբանություն՝

Իրանագետ. Ադրբեջանը «մշակութային պատերազմ» է հայտարարել Իրանին