ՌԴ-ն Հայաստանին գազը կմատակարարի 189 դոլարով

 2014-2018 թվականին Ռուսաստանը Հայաստանին գազ կմատակարարի 1000խմ-ն` մոտ 189 ԱՄՆ դոլար սակագնով: Այս մասին այսօր Երևանում հայտարարեց ՌԴ նախագահ Վլադիմիր Պուտինը` ՀՀ նախագահ Սերժ Սարգսյանի հետ համատեղ մամուլի ասուլիսում:

ՌԴ նախագահի խոսքով՝ Հայաստանի համար մի շարք արտոնություններ Ռուսաստանը միակողմանի կսահմանի մինչև Հայաստանի՝ Մաքսային միությանը անդամակցելը:

Մասնավորապես, Հայաստանը կարող է Ռուսաստանից սպառազինություններ ձեռք բերել ՌԴ ներքին սակագներով, իսկ նավթի և նավթամթերքների համար Ռուսաստանը կհանի օրենքով նախատեսված արտահանման 30% մաքսատուրքը:
ՌԴ նախագահի խոսքով, սրա արդյունքում Ռուսաստանի բյուջեն բավականաչափ գումարից կզրկվի, սակայն իրենք պատրաստ են նման արտոնություններ սահմանել:

Նշենք, որ այսօր Վլադիմիր Պուտինի պետական այցի ընթացքում Հայաստանի էներգետիկայի նախարարությունն ու ռուսական «Գազպրոմ» ընկերությունը ստորագրեցին մի շարք փաստաթղթեր, որոնցով կարգավորվում են Հայաստանին ռուսական գազի մատակարարման ծավալների ու սակագնի խնդիրները:
 

Նախորդիվ`
Վլադիմիր Պուտինը Ծիծեռնակաբերդում հարգեց 1915թ.-ի Հայոց ցեղասպանության անմեղ զոհերի հիշատակը

Ռուսաստանը Հայաստանի առևտրային գլխավոր գործընկերն է. Սերժ Սարգսյանի ելույթը Գյումրիում

Սերժ Սարգսյան. Գյումրին դարձել է հայ-ռուսական հարաբերությունների խորհդանիշ

Պուտինի գլխավորած պատվիրակության կազմում են պաշտոնյաներ, նահանգապետներ, ռուսաստանյան առաջատար ընկերությունների ղեկավարներ

Պուտին. Ռուսաստանը երբեք չի հեռանա Անդրկովկասից

«Հրազդան ՋԷԿ-ի 5-րդ էներգաբլոկը պատրաստ է շահագործման». Հավատացրին երկու նախագահներին