Վահրամ Ավանեսյան. «Հույս ունենք, որ հաջորդ տարվա առաջին եռամսյակում «Կարֆուրի» վերաբերյալ կունենանք լավ նորություններ»

«Հույս ունենք, որ հաջորդ տարվա առաջին եռամսյակում «Կարֆուրի» վերաբերյալ կունենանք լավ նորություններ»: Այս մասին այսօր լրագրողների հետ ճեպազրույցում ասաց ՀՀ էկոնոմիկայի նախարար Վահրամ Ավանեսյանը: Հարցին` կբացվի՞, թե՞ կհայտարարի բացման ցանկության մասին, նախարարը նշեց, որ իր համար լավ նորությունը բացվելն է:

Հարցին, թե ինչո՞ւ է ուշանում «Կարֆուր»-ի բացումը, Վ. Ավանեսյանն ասաց, որ դեռ քննարկումներ են ընթանում, և չի կարող ասել, թե կոնկրետ ինչ խնդիրներ են առաջացել: «Մեր տեղեկությունը հետևյալն է, որ առաջին եռամսյակում կլինեն առաջին քայլերը»,- հայտնեց էկոնոմիկայի նախարարը` հավելելով, որ չի կարող ասել, կոնկրետ երբ, որտեղ կբացվի: