Ամենից շատ կարդացված նյութեր

11:57 06/12/2013

Հայաստանում շուտով հայկական հեռախոսներ ու պլանշետներ կարտադրվեն

Հայաստանում գործող Տեղեկատվական տեխնոլոգիաների ոլորտի ընկերություններից մեկն առաջիկա ամիսներին հայկական հեռախոսների ու պլանշետների արտադրություն է իրականացնելու: Այդ մասին այսօր Ազգային ժողովում ավանդական ճեպազրույցների ժամանակ հայտարարեց ԱԺ Դաշնակցություն խմբակցության անդամ Արծվիկ Մինասյանը` նախապես զգուշացնելով, որ ճեպազրույցը ցանկանում է սկսել ուրախ լուրով:

Պատգամավորը տեղեկացրեց, որ հայկական արտադրանքի գինն ավելի մատչելի կլինի և կկազմի օտարերկրյա նմանօրինակ ընկերությունների արտադրանքի գնի 55-60 տոկոսը: «Սա շատ ուրախալի լուր է, մի նոր ձեռնարկություն է լինելու՝ հիմնված անդրոիդ համակարգերի վրա: Նման ուրախալի լուրեր մեր տնտեսության մեջ շատ քիչ են»,- հավելեց խորհրդարանականը:

Ի դեպ` պատգամավորը նաև ասաց, որ այս տեղեկությունը ինքը ստացել է քիչ առաջ` արդյունաբերողների համաժողովի մասնակացության ժամանակ:

Placeholder