ՕԵԿ-ին, այնուամենայնիվ, փողն է հետաքրքրում

Հայաստանում պաշտոնապես արձանագրված 32,5 տոկոս աղքատության պայմաններում ՕԵԿ-ը կարևորել է իր համար կառավարությունից «փող պոկելը»: Այս կուսակցության խորհրդարանական խմբակցությունը կառավարությանն առաջարկել է 2014թ. բյուջեում «նախատեսել գումարներ կուսակցություններին տրվող գումարի չափն ավելացնելու համար»:

«Առավել ուշագրավն այն է, որ կառավարությունը չի մերժել առաջարկը, և «ՀՀ 2014թ. պետական բյուջեի նախագծով կուսակցություններին պետական աջակցության նպատակով նախատեսվել է շուրջ 75.7 միլիոն դրամ: …Այսպիսով՝ երկրում առկա «հիմնական խնդիրները լուծվեցին». ՕԵԿ-ը պետությունից գումար կստանա՝ առաջին նախագահի բնորոշմամբ «ՀՀԿ-ի կույրաղիք» «աշխատելու» համար»,-գրել է «Ժողովուրդ» օրաթերթը: