Վարչապետը հանձնարարել է շտապ լուծել Լևոն Խեչոյանի տեղափոխման հարցը

ՀՀ վարչապետ Տիգրան Սարգսյանը Ֆինանսների և Առողջապահության նախարարություններին հանձնարարել է շտապ լուծել գրող Լևոն Խեչոյանին Գերմանիայից տեղափոխելու հարցը: Այս մասին Panorama.am-ին տեղեկացրեցին Կառավարության հասարակայնության հետ կապերի վարչությունից:

Ֆինանսների նախարարության մամուլի խոսնակ Նվարդ Առաքելյանը  մեզ տեղեկացրեց, որ վարչապետի հանձնարականի հիման վրա նախարարությունը 8 մլն դրամ է փոխանցել Խեչոյանի տեղափոխման ծախսը հոգալու համար: Ավելի վաղ Մշակույթի նախարարությունը հայտարարել էր, որ քայլեր է ձեռնարկում, ջանքեր է ներդնում գրող Լևոն Խեչոյանին օգնելու ուղղությամբ:

Ինչպես հայտնել էինք, գրող Լևոն Խեչոյանի հետվիրահատական դրությունը օրհասական է, նրան Գերմանիայից տեղափոխելու համար գումար է անհրաժեշտ: Բժիշկները խորհուրդ են տալիս անկողնային վիճակում Լևոնին տեղափոխել Հայաստան, ինչը ընտանիքի հնարավորությունների սահմաններից դուրս է:

Նախորդիվ`

Գրող Լևոն Խեչոյանին օգնելու ուղղությամբ մշակույթի նախարարությունը քայլեր է ձեռնարկում