Վիրավոր զինծառայողները բուժման կուրս անցնում են Արցախում

 «Զինծառայողները թեթև վիրավորում էին ստացել և բուժումն իրականացվում է Արցախում տեղակայված զինվորական հոսպիտալում»,- այս մասին Panorama.am-ի հետ զրույցում ասաց ԼՂՀ ՊԲ Լրատվության ծառայության ղեկավար Սենոր Հասրաթյանը:

Հիշեցնենք, որ ԼՂՀ ՊԲ հարավային ուղղությամբ տեղակայված մարտական դիրքերում դեկտեմբերի 22-ին ծառայողական պարտականությունները կատարելու ընթացքում հակառակորդ կողմից արձակված կրակոցներից թեթև հրազենային վիրավորում են ստացել զինծառայողներ` 1994թ. ծնված Հովհաննես Ժորայի Դավթյանը և 1994թ. ծնված Էրիկ Սլավիկի Կարապետյանը:

Ս. Հասրաթյանը նշեց, որ զինծառայողների կյանքին վտանգ չի սպառնում և որոշ ժամանակ հետո, վերջիններս կվերադառնա իրենց ծառայության վայր: