Ադրբեջանը հաղորդում է 4 վիրավորների առկայության մասին

ԼՂՀ ՊԲ մարտական դիրքերի ուղղությամբ, Ադրբեջանի կողմից իրականացված դիվերսիոն գործողությունների, դիվերսանտների ու հայ դիրքապահների միջև տեղի ունեցած մարտերից մեկ օր անց, Ադրբեջանի պաշտպանության նախարարությունից հաղորդագրություն է տարածվել առաջնային գծում տեղի ունեցած երկու պատահարի մասին:

Առաջին հաղորդագրության համաձայն, առաջնագծում տեղակայված զորամասերից մեկում, «անվտանգության կանոնների խախտման հետևանքով, ոտքից հրազենային վիրավորում է ստացել 19-ամյա Ռոյալ Հուսեյնովը:

Երկրորդ հաղորդագրության համաձայն, «առաջնագծում տեղի ունեցած զինվորական մեքենայի վթարի հետևանքով 3 զինծառայող է տուժել և տեղափոխվել զինվորական հոսպիտալ»:

Նկատենք, որ առաջնագծում տեղի ունեցող դիվերսիոն գործողությունների հետո, Ադրբեջանը մշտապես հերքելով միջադեպի առկայությունը, որպես կանոն միջադեպին հաջորդող օրերին պաշտոնական հաղորդագրություններ է տարածում ինքնասպանության, անվտանգության կանոնների խախտման, հիվանդության կամ վթարի հետևանքով մահացած կամ վիրավորված զինծառայողների մասին:

Նախորդիվ`

Ադրբեջանը դիվերսիոն խմբերի ներթափանցման փորձեր է իրականացրել, հայ զինծառայող է զոհվել

Նոր դիվերսիա` ազդանշան քաղաքական նահանջի մասին