Փոխնախարարները` ժանյակավոր ներքնազգեստների մասին

ՀՀ էկոնոմիկայի փոխնախարար Գարեգին Մելքոնյանն, այսօր լրագրողների հետ հանդիպման ժամանակ անդրադառնալով վերջերս Մաքսային միության տարածքում ժանյակավոր ներքնազգեստների ներկրման արգելքին, նշեց, որ ընդհանուր արգելք ամբողջ տարածքի համար պետք է դրվի ոչ թե մի երկրի, այլ՝ Մաքսային Միության համապատասխան կառույցի կողմից:

«Եթե Ռուսաստանը արգելում է որևէ ապրանքի ներմուծում, ապա կարող է արգելել միայն ՌԴ-ի համար»,- նշեց Գ.Մելքոնյանը:

Էկոնոմիկայի փոխանախարար Տիգրան Հարությունյանն էլ նկատեց, որ ինքը թեև դրա մասնագետ չէ, այդուհանդերձ, բոլորը գիտեն` Մոսկվան գլամուրային, լյուքս ապրանքների ամենամեծ սպառողներից մեկն է, և այստեղ մեծ տեղ ունեն բրենդները:

«Օրինակ՝ Victoria's Secret-ը և այլ բրենդեր, շատ լավ աշխատում են և դրանց գործունեությունը չի կասեցվել: Կարելի է ենթադրել, որ ինչ-որ լուծում գտնվել է»,- նշեց Տ.Հարությունյանը: