Ինչպես է խաբում «Գազպրոմ Արմենիան»

Ներազգային ազատագրական շարժումը մտադիր է դատի տալ «Գազպրոմ Արմենիա» ընկերությանը՝ բնակչությանը խաբելու և գազի կալորիականությունը ցածրացնելու համար:

Շարժման հիմնադիր Վահան Մարտիրոսյանը «Ժամանակ»-ին տեղեկացրել է, որ անընդհատ բողոքներ էին ստանում բնակչության կողմից, իսկ այս տարի դրանց թիվն էլ ավելի է շատացել. «Մեր բախտն այնքանով բերեց, որ ներսից մարդ ճարեցինք, ու մեզ շատ հեշտորեն բացատրեցին, թե դա ինչպես է արվում: Իրենք ձեռք են բերել ազոտային 3 կայան, ցածր ճնշման պարագայում կարողանում են գազի հետ խառնել օդից ստացված ազոտ և որակազրկել գազը՝ դա մատակարարելով բնակչությանը»: