Հանգստյան օրերին հրադադարի ռեժիմի խախտման դեպքերի նվազում է գրանցվել

«Շաբաթ-կիրակի օրերին, հակառակորդի կողմից հրադադարի ռեժիմի խախտումները բավականին քիչ են եղել, ինչն անկեղծ ասած չեմ կարող ասել, թե ինչով է պայմանավորված»,- Panorama.am-ի հետ զրույցում, անդրադառնալով Ադրբեջանի կողմից, հրադադարի ռեժիմի խախտման դեպքերին, ասաց պաշտպանության նախարարի մամուլի խոսնակ Արծրուն Հովհաննիսյանը:

Վերջինս հույս հայտնեց, որ այս միտումները կպահպանեն, ինչը թույլ կտա երկուստեք զերծ մնալ հնարավոր կորուստներից: