Մամիկոն Խոջոյանը կտեղափոխվի Երևան

Մամիկոն Խոջոյանը կտեղափոխվի Սուրբ Գրիգոր Լուսավորիչ ԲԿ` հաշվի առնելով այն, որ նեղ մասնագիտական հետազոտությունների կարիք կա: Այս մասին Panorama.am-ին տեղեկացրեց Առողջապահության նախարարի օգնական Սեդա Մանուկյանը:

Ինչպես ավելի վաղ հայտնել էինք, նախարար Դերենիկ Դումանյանի հանձնարարությամբ այսօր կազմակերպվել է բժշկական կոնսիլիում գերեվարությունից հայրենիք վերադարձած Վերին Կարմիրաղբյուր գյուղի բնակիչ, 77-ամյա Մամիկոն Խոջոյանի առողջական վիճակը գնահատելու համար։

Այդ նպատակով Իջևանի բժշկական կենտրոն էր գործուղվել բժիշկ-վնասվածքաբան։ 

Կարմիր խաչի միջազգային կոմիտեի (ԿԽՄԿ) հովանու ներքո իրականացված աշխատանքների արդյունքում մարտի 4-ին Հայաստան հայրենադարձված Մամիկոն Խոջոյանի առողջական վիճակը շարունակում է ծանր մնալ: Մամիկոն Խոջոյանն այս պահին գտնվում է Իջևանի բժշկական կենտրոնում և առողջական լուրջ խնդիրներ ունի:

Նախորդիվ`

ԱՆ. Բժշկական կոնսիլիումը կգնահատի Մամիկոն Խոջոյանի առողջական վիճակը