ՀՊՃՀ ռեկտորի` պաշտոնից ազատվելու լուրը դեռևս չի հաստատվում

Հայաստանի պետական ճարտարագիտական համալսարանի ռեկտոր Արա Ավետիսյանին պաշտոնից հեռացնելու մասին տարածված լուրերը Կրթության և գիտության նախարարությունից չեն հաստատում:

ԿԳՆ լրատվության վարչության պետ Արթուր Բաղդասարյանը Panorama.am-ի թղթակցին ասաց, որ երբ լինի պաշտոնական որոշում, իրենք կհրապարակեն:

«Այս պահին ոչինչ չկա»,- ասաց նա:

Panorama.am-ը լուրը փորձեց ճշտել ՀՊՃՀ մամուլի ծառայությունից, սակայն մեր հեռախոսազանգերը մնացին անպատասխան: Ռեկտորի ընդունարանից էլ մեզ ասացին, որ չեն կարող ոչինչ հայտնել: